28, జనవరి 2021, గురువారం

ధ్యేయుడు శ్రీహరి రాముడు

ధ్యేయుడు శ్రీహరి రాముడు మా యిలవేలుపు రాముడు 

మాయామర్మము లేనివాడు కడు మంచివాడు మా రాముడు


పతితపావనుడు రాముడు భవతారకుడు రాముడు

అతిసన్నిహితుడు రాముడు సతతసేవ్యుడు రాముడు

హితమితవచనుడు రాముడు ధృతకోదండుడు రాముడు

శ్రితమందారుడు రాముడు సీతానాథుడు రాముడు


కరుణానిలయుడు రాముడు కమలేక్షణుడు రాముడు

వరదాయకుడు రాముడు వందనీయుడు రాముడు

పరమసుందరుడు రాముడు భక్తవరదుడు రాముడు

నిరుపమానుడు రాముడు పరమేశ్వరుడు రాముడు


ఇనకులేశ్వరుడు రాముడు ఘనసచ్చరితుడు రాముడు

దనుజాంతకుడు రాముడు ధనుష్మదగ్రణి రాముడు

మనుజనాథుడు రాముడు మహీతలేశుడు రాముడు

మునికులవినుతుడు రాముడు మోహనాంగుడు రాముడు