భవతారకమంత్రమా పతితపావనమంత్రమా
అవనిజాప్రాణమంత్రమా రామమంత్రమా
పరమసుఖదమంత్రమా బహుసులభమంత్రమా
నిరుపమానమంత్రమా వరదాయకమంత్రమా
హరసన్నుతమంత్రమా అతిప్రసిధ్ధమంత్రమా
కరుణను నా నాల్కపై కదలాడే మంత్రమా
మరియాదాపురుషోత్తము మహనీయమంత్రమా
పరమపదప్రదమైన సురుచిరమగు మంత్రమా
సురనరసంపూజ్యమై వరలుచుండు మంత్రమా
హరదేవుని నాలుకపై నాడు చుండు మంత్రమా
మరుతాత్మజనిత్యసేవ్యమానమైన మంత్రమా
తిరయశమున తేజరిల్లు దివ్యమైన మంత్రమా
హరిభక్తుల హృదయంబుల నమరియుండు మంత్రమా
ధరాతనయ నాలుకపై తారాడే మంత్రమా
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.