మనవిచేయ వలయునా మరిమరి నీకు నీవు
కనికరించకున్న నెట్లు డచును నాకు
గురువు కలుగలేదనుచు కుందగలేదు లోక
గురుడవైన నీవె నా గురుడ వంటిని నిన్ను
పరమభక్తి సేవించు వాడనైతిని భక్త
వరద యింక నాదీనత బాపవయ్యా యని
గొప్ప కీర్తి వలయునని కోరుటలేదు పదవు
లిప్పించ మనుచు పీడించుటలేదు సిరుల
కుప్పలు కావలయునని కోరుటలేదు నాకు
తప్పించుము దైన్యమో దశరథాత్మజా యని
వరములిమ్మనుచు నిన్ను బాధపెట్టను ముక్తి
కరుణించు మిప్పుడనుచు కష్టపెట్టను పరమ
కరుణాళుడవని నీదు కాళ్ళకు మ్రొక్కి దైన్య
మరసి వేగ నను కావు మయ్యా రామా యని
23, జనవరి 2021, శనివారం
మనవిచేయ వలయునా
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.