అడవు లంటే పూలతోట

అడవు లంటే పూలతోట లనుకొందువా
అడవులలో తపసులుందు రనుకొందును

అడవి నుండ వ్రతదీక్ష అతివా నాకే నీ
పడతి యర్ధాంగి కదే వ్రతము కాదా
యడవుల చిరుపర్ణశాల లం దుందువా నీ
వడవి నుంటే నదే నా కంతఃపురమోయి

అడవుల రాకాసులుందు రని వినలేదా నీ
అడుగులలో అడుగువేసి నడచుదాన
ఇడుములబడ యుబలాట మెందు కతివా నా
కిడుములైన కుడుములైన హితము నీతోనే

పుడమి బ్రహ్మ నిన్ను నన్ను పుట్టించినాడే
అడవులలో గడుపమని అటులే‌ కానీ
అడలకువే సీతారాముడే వీడు నిన్ను
విడచి యెటులపోవునే చిడిముడి పడకే