సూటిగా మోక్షమిచ్చు మేటిమంత్రము సప్త
కోటిమంత్రముల లోన గొప్పమంత్రము
రామనామ మంత్రము రమ్యమైన మంత్రము
కామితప్రద మంత్రము కళ్యాణమంత్రము
పామరుల నుధ్ధరించు పావనమగు మంత్రము
స్వామిభక్తవరులకు చాలగూర్చు మంత్రము
ఈ మంత్రము సంపదల నీనుచుండు మంత్రము
ఈ మంత్రము జానకమ్మ కిష్టమైన మంత్రము
ఈ మంత్రము లోకముల నేలుచుండు మంత్రము
ఈ మంత్రము శివుడు ధ్యానించునట్టి మంత్రము
ఇంతగొప్ప మంత్రమని యెరుగని వారికైన
చింతలన్ని పోగొట్టే శ్రేష్ఠమైన మంత్రము
అంతరార్థ మెరిగి కొలుచు నాత్మవిదులందరకు
సంతతబ్రహ్మానందసంధాయక మంత్రము
ఓ రామ నీ నామమెంతో రుచిరా !
రిప్లయితొలగించండిశ్రీరామ నీ నామమేమి రుచిరా