నిజము రాముడు తిరిగిన తెలుగునేల

నిజము రాముడు తిరిగిన తెలుగునేల రామతీర్థం

సుజనావళి అడుగడుగున రాముని చూచు రామతీర్థం

తెలుగునేలపై గుడిలో రాముని తలచము మూర్తి యని

తిలకింతుము శ్రీరామచంద్రుడే నిలబడె నెదుట యని

తలచెదము మాపుణ్యము పండగ దరిసెనమాయె నని

పలుగాకులు బొమ్మనుచు తలచుట వారి కుసంస్కారం

తెలుగుగడ్డకు కులదైవముగ వెలసిన రామునకు

తుళువలచే నపకారము గలిగిన దోషాచరణులకు

కలుగును హాని కలుగదు రాముని ఘనకీర్తికి లోటు

కలుషబుధ్ధుల వంశంబులకే కలుగును నాశనము

రాజకీయముల పేరిట రాముని రచ్చచేయు వారు

రాజాశ్రయమున మురిసి రాముని లావుమరచు వారు

రాజభయంబున రాము నెరుగని లాగున చనువారు

ఏజన్మంబున నించుక సుఖమన నింక బడయలేరు