11, జనవరి 2021, సోమవారం

భూమి మీద పడియున్నావా

భూమి మీద పడియున్నావా విముక్తిని కోరుచు నున్నావా
రామరామ యని యన్నావా రాముని దయనే కన్నావా

శేషనాగపర్యంకశయానా శ్రీహరి జయజయ యన్నావా
దోషాచరప్రాణాపహరణచణ దురితనివారణ యన్నానా

రామా ప్రావృణ్ణీలపయోధరశ్యామా జయజయ యన్నావా
నీ మనమున హరి మోహనమూర్తిని నిండారగ కనుగొన్నావా

రామరామ రఘురామ పరాత్పర రావణసంహర యన్నావా
రామచంద్రపదరాజీవంబుల ప్రేమమీఱ పూజించేవా

రామా రవివంశాంబుధిసోమా కామితవరదా యన్నావా
రాముని దయగల వానికి పొందగరానిది లేనే లేదు కదా


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.