ఇంతకన్న సులభమైన మంతర మేమున్నది
యింతకన్న మధురమైన మంతర మెందున్నది
సంతతమును దీనినే స్మరించరాదొకో
అంతులేని ఆనంద మందరాదొకో
జంతుతతికి గొప్ప మోక్ష సాధనం బిదేను
ఇంతకన్న మంచివిధ మేమున్నది
శ్రీరామ యను మంత్రము శివసన్నుతము
గౌరికి శివుడిచ్చినట్టి ఘనమంత్రము
నారాయణ మంత్రము భవతారక మంత్రము
ఈరేడు లోకంబుల నిదేగొప్పది
విశ్వవిజయ మంత్రము విశ్వశాంతిప్రదము
విశ్వవినుత మంత్రము విజయమంత్రము
విశ్వగురుని మంత్రము వేదవినుత మంత్రము
విశ్వామిత్రదర్శితము విమలమంత్రము
30, జనవరి 2021, శనివారం
ఇంతకన్న సులభమైన
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.