తెలుగునేల

తెలుగునేల శ్రీరాముడు తిరుగాడిన నేల

తెలుగుజాతి శ్రీరాముని కొలుచుకొనే జాతి

ఇచట వారికి శ్రీరాము డిష్టదైవ మెపుడును

ఇచటి వారికి రామనామ మిష్టమంత్ర మెపుడును

ఇచటి వారి రామభక్తి యింతింతనరాదుగా

ఇచటి వారి కాంజనేయు డింటిపెద్దదిక్కు 

అట్టి దివ్యభూమి యిప్పు డసురుల పాలాయె

అట్టి రామమూర్తి కిప్పు డవమానమాయ

అట్టి రామపత్ని కిప్పు డవమానమాయె

పట్టుబట్టి రాకాసులు పాడుపనులు చేయ

పెదవివిప్పి పలుకరేమి పృథివినేలు ఘనులు

మెదలరేమి నాయకులు నిదుర నటియింతురు

కదలరేమి తెలుగువారు కడుగూర్చు రామునకై

బెదరి దైవద్రోహులకు బేలలైనారుగా