పొందరే శ్రీరామభజ నానందము మీరందరు

పొందరే శ్రీరామభజ నానందము మీరందరు

అందుకొనరే హాయిగా శ్రీహరికటాక్షము నందరు



ఎన్ని నేతిమిఠాయిలు భుజియించినా యీ జిహ్వకు

కొన్ని నిముషములే హాయి యన్న మాట మరువక

ఎన్నుకొని శ్రీరామచంద్రుని హెచ్చుగా స్తుతిజేయుచు

మిన్ను ముట్టగ నాడి పాడుచు మీరు హాయిని పొందరే



ఎన్ని సంపద లున్నను మరి యెన్ని పదవు లున్నను

ఎన్నడును నేవెవొ చింతలు నేవేవొ కోర్కుల మధ్యన

నున్న వారలె మీరు బాధల నున్న వారలె గావున

తిన్నగా మీ చిత్తశాంతికి దేవదేవుని వేడరే



ఎన్ని పూజలు చేసి పుణ్య మెన్ని మూటలు కట్టినా

ఎన్నడును శ్రీరామ యనక నెవరి కున్నది మోక్షము

పన్నుగ శ్రీరామచంద్రుని పాదములు సేవించుచు

ఎన్న నలవి కాని సుఖము నెల్ల వేళల బొందరే