10, ఫిబ్రవరి 2020, సోమవారం

కోదండధర రామ కువలయేశ్వర మాదేవుడా హరి మధుసూదన


కోదండధర రామ కువలయేశ్వర
మాదేవుడా హరి మధుసూదన

హరి పుండరీకాక్ష అచ్యుత గోవింద
నరసింహ సురలోక నాయక ముకుంద
వరదాయక సుజన వాంఛితఫలద
పురుషోత్తమ జగన్మోహన శుభరూప

జగన్మోహన రామ జానకీమనోహర
నిగమసన్నుతదివ్య నిరుపమనిజతత్త్వ
జగముల సృజియించి చక్కగ పోషించి
తగురీతి నీభక్తతతి నేలుచుందువు

భక్తతతి నిన్నెపుడు భావించి సేవింప
ముక్తుల జేయుదువు ముదమున నటులే
శక్తిహీనుడ నను సద్భక్తుడు కాడనక
ముక్తి నిడి ప్రోవవే మ్రొక్కేము రాముడా

వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.