18, ఫిబ్రవరి 2020, మంగళవారం
ఎంతమాట ఎంతమాట యీశ్వరుడ నీవు
ఎంతమాట ఎంతమాట యీశ్వరుడ నీవు
చింతలకు నెలవైన జీవుడ నేను
పరగ నీకు చెల్లు నహం బ్రహ్మాస్మి యనుటకు
నరుడ నజ్ఞాని నయ్యది నాకు చెల్లదు
పరమబ్రహ్మమవు నీవు పతితజీవుడ నేను
ఉరక మెట్టవేదాంత ముపకరించదు
ఆరయ నేనుందు సంసారార్ణవ మీదుచు
క్షీరార్ణవ మధ్యమున చీకుచింతల
పోరు లేక నీవుందువు పురుషోత్తమ రామ
నారాయణ నీతోడ నాకు పోలికా
పాముపా మంటే నేను పరుగో పరుగు పెద్ద
పాము మీదనే ప్రక్క పరచితి వీవు
ఏమో యేదో యెవరో యెందుకన్నారో
రామా నను నీతో పోల్చరాదు కాక రాదు