24, ఫిబ్రవరి 2020, సోమవారం
రాముడవు నీవు రమ్యగుణధాముడవు
రాముడవు నీవు రమ్యగుణధాముడవు
కామక్రోధాధిక కలుషవిదూరుడవు
ఇనకుల దీపనుడవు నిందీవరాక్షుడవు
మనసిజ కోటికోటి మహితస్వరూపుడవు
జనపతుల కులములో చాల విఖ్యాతుడవు
వనజాక్షి జానకికి ప్రాణాధికుడవు
మంగళాకారుడవు మంగళ దాయకుడవు
సంగవిహీనుండవు జ్ఞానస్వరూపుడవు
సంగీతలోలుడవు సంప్రదాయజ్నుడవు
శృంగారవతి సీత సేవలందు వాడవు
వీరాధివీరుడవు వేదాంతవేద్యుడవు
కారుణ్యవార్నిధివి కమలాయతాక్షుడవు
నారాయణమూర్తివి ఘోరదనుజహంతవు
స్త్రీరత్నము మాతల్లి సీతమ్మ పెనిమిటివి