మీరు వాడుతున్న విండోస్ 7 కనుక సరియైన వెర్షన్ ఐన పక్షంలో విండోస్ 7 నుండి విండోస్ 10కి సులభంగా అప్గ్రేడ్ చేసుకోండి.
మీ విండోస్ 7కు మైక్రోసాఫ్ట్ నుండి గత నెలలో నిలచిపోయే వరకూ కనుక అప్‍డేట్‍లు వస్తూ ఉన్న పక్షంలో మీరు మీ విండోస్ 7 నుండి విండోస్ 10కి సులభంగా అప్గ్రేడ్ చేసుకోగలరు. కాని పక్షంలో మాత్రం వీలు కాదనే అనుకుంటాను.
మీరు మొట్టమొదట మీ కంప్యూటర్ ఈ అప్గ్రేడ్ చేయటానికి తగినదేనా అని నిర్దారించుకోవాలి! అంతా ఓకే అనుకుంటే ముందుకు సాగండి.
మీరు మైక్రోసాఫ్‍ డౌన్లోడ్ విండోస్ 10 సైట్‍ నుండి Create Windows 10 installation media అనే టూల్ డౌన్లోడ్ చేసుకొని రన్ చేయాలి. అదీ పధ్ధతి.
కానీ Create Windows 10 installation media ద్వారా వచ్చిన ఈ టూల్ నాకు సరిగా పని చేయలేదు. ఐతే కొద్ది రోజుల క్రింద అక్కడ ఉండిన వెర్షన్, మా మావయ్య గారి దగ్గర ఉంది. అది మాత్రం చక్కగా పని చేసింది.
మిత్రుల సౌకర్యార్ధం ఆ పనిచేసే వెర్షన్ గూగుల్‍ డ్రైవ్‍ లోనికి అప్‍లోడ్‍ చేసి అందరికీ అందుబాటులో ఉంచుతున్నాను. ఈ సౌకర్యం కొన్నాళ్ళే ఇవ్వగలను. పెద్ద ఫైల్ కాబట్టి ఒకటి రెండు నెలల తరువాత తీసివేస్తాను.
Windows10.iso
ఇది పెద్ద ISO ఫైల్. 4gb సైజులో ఉంది. Winrar వాడి మీరు unpack చేయవలసి ఉంటుంది. డెస్క్-టాప్ మీదే మీరు unpack చేయవచ్చును.
మీరు ఈ Windows10.iso ఫైల్‍ను ఏదనా పెన్‍డ్రైవ్‍ మీద కాపీ చేసుకోవచ్చును. అది మీ మిత్రులకు ఉపయోగిస్తుంది. మళ్ళా ఎక్కడినుండో డౌన్లోడ్ చేయనక్కర లేకుండా. ఐతే అలా కాపీ చేసే ముందు మీ పెన్‍డ్రైవ్‍ను తప్పనిసరిగా exfat ఫైల్ సిస్టం ఉండేటట్లుగా ఫార్మాట్ చేయాలి.
మీరు మొదట మీ విండోస్ 7 సిస్టమ్‍ లో ఉన్న ముఖమైన ఫైళ్ళూ ఫోల్డర్లూ backup చేసుకోండి. నిజానికి అలా చేయటం అవసరం లేదు. మీ ఫైళ్ళూ ఫోల్డర్లూ ఏమీ చెక్కు చెదరవు.
అప్గ్రేడ్ చేయటానికి ముఖ్యంగా మీకు మంచి ఇంటర్నెట్‍ కనెక్షన్ కావాలి.
మీరు unpack చేయటం ద్వారా తయారు చేసిన Windows 10 ఫోల్డర్ లోపలికి వెళ్ళి అక్కడ ఉన్న
setup
అనే executable file ను రన్ చేయండి.
అప్గ్రేడ్ సమయంలో మీరు చేయవలసినది ఆట్టే ఏమీ లేదు.
విండోస్ కీ కూడా అది మిమ్మల్ని అడగదు. ఆ కీ ఏదో అది మీ సిస్టం నుండే గ్రహిస్తుంది కాబట్టి. (కాని కొత్త టూల్ కాని తెచ్చుకుంటే అది మీదగ్గర కీ ఉంటే ఇవ్వండి అని అడుగుతోంది)
మీ విండోస్ 7 ఎటువంటి మోడల్ అన్నదానిపై ఆధారపడి మీ విండోస్ 10 మోడల్ వస్తుంది. ఉదాహరణకు మీ వద్ద ఉన్నది విండోస్ అల్టిమేట్ అయితే మీకు విండోస్ 10 ప్రో వస్తుంది.
అప్గ్రేడ్ కోసం కొద్ది గంటలు పడుతుంది. మీ నెట్‍ స్పీడ్ ఎంత బాగుంటే అంత త్వరగా పని జరుగుతుంది. నా దగ్గర 100MBPS కనెక్షన్ ఉంది. మొత్తం మీద 2గం. చిల్లర కాలంలో పని జరిగింది.
అన్నట్లు అప్గ్రేడ్ సమయంలో మీ కంప్యూటర్ పదేపదే రీబూట్ కావచ్చును.
ఒకవేళ మీ కంప్యూటర్ మీద విండోస్‍తో పాటుగా ఉబంటూ ఉన్నా ఇబ్బంది లేదు. నా దగ్గర అలా ఉంది కాని ఇబ్బంది రాలేదు. విండోస్ అప్గ్రేడ్ అయ్యింది. ఉబంటూ సుబ్బరంగా ఉంది ఆతరువాత కూడా.
గురువు గారూ, చాలా మందిని బెంగ పెడుతున్న సమస్యలకు చక్కని పరిష్కారం చెప్పారు థాంక్సండీ. నావి ఇంకో రెండు ప్రశ్నలు/సందేహాలు:
రిప్లయితొలగించండి1. విండోస్ 10 IE లేదని విన్నాను. పాత IE ఫెవరిట్స్ (బుక్మార్క్స్) మిగుల్తాయా పోతాయండీ? ఒకవేళ పోయే పక్షంలో పాత ఫెవరిట్ మళ్ళీ Edge లోకి ఇంపోర్ట్ చేసుకోవడం కుదురుతుందా?
2. విండోస్ 10 ఆఫిస్ 7 సమర్థిస్తుందా లేక ఇది కూడా కొత్త వెర్షన్ మారాలా?
మీక్కూడా ఇవే ప్రశ్నలు ఎదురయి వాటిని సాల్వ్ చేసుకున్నట్లయితే ఆ సమాచారం కూడా షేర్ చేసుకోగలరు. Thank you sir.
అవ్వ పేరే ముసలమ్మ. IE పేరు మార్చి Edge అన్నాడు. Bookmarks పోకూడదు. ఐనా పరిశీలించాలి.
తొలగించండినా దగ్గరా office 2007 ఉంది. దాని కేమీ కాలేదు మరి. మరో సారి check చేస్తాను.
జై గారూ, ఈ మైక్రోసాఫ్ట్ వారి పేజీ చూడండి:
తొలగించండిhttps://support.office.com/en-us/article/which-versions-of-office-work-with-windows-10-0fc85c97-da69-466e-b2b4-54f7d7275705
Thank you sir
తొలగించండిwindows 10లో IE, edge రెండూ ఉన్నాయి.
రిప్లయితొలగించండిఅయితే IE లో ఉండే advanced options అనే సెట్టింగ్స్ edge లో దొరకవు.
ఈ మధ్య యూజర్ ఫ్రెండ్లీనెస్ పేరుతో మన అధీనం లో ఉన్న సెట్టింగ్స్ అన్నీ వాళ్ళ అధీనం లోకి తీసుకుంటున్నారేమో అనిపిస్తోంది. గూగులైనా ఆపిలైనా మైక్రోసాఫ్టైనా అదే తంతు.
తొలినాళ్ళలో కంప్యూటరు వాడే వాళ్ళంతా ఎంతో కొంత కొమ్ములు తిరిగిన ఇంజనీర్లే, ఏదో ఒక రంగంలో. కాకుంటే అది వాళ్ళకు ఉపయోగించదని నమ్మకంగా చెప్పవచ్చును. తరువాత క్రమంగా వాడకందారులు పెరిగి, ముఖ్యంగా C Language వచ్చాక, ప్రోగ్రామరుల కులం ఏర్పడింది, రకరకాల అప్లికేషన్ ప్రోగ్రాములూ గట్రా పెరిగి కంపెనీల్లో వివిధవర్గాల వారూ వాడకందార్లు అయ్యారు. మెల్లగా కంప్యూటరు అనేది ఇళ్ళల్లోకి ప్రవేశించింది. వెబ్ వచ్చాక అది వ్యక్తిగతం కూడా ఐపోయింది. ఈక్రమంలో వాడకం దారులకు పూర్వకాలంలో లాగా మేథావుల్లాగా ఎక్కడెక్కడో వెదికి రకరకాల సెట్టింగులూ మార్పులూ చేసుకోమంటే అది వారందరికీ సులభం కాదు కదా. అందుకని జనబాహుళ్యానికి ఎక్కువగా నప్పే మార్పులూ చేర్పులూ అన్నీ కూడా సాఫ్ట్‍వేర్‍ వ్యవస్థలు స్వయంగానే పరిమితులకు లోబడి చేసుకొనేలా డిజైన్ చేస్తున్నారు. ఈరోజుల్లో చదువురాని వారూ పిల్లలూ కూడా ఆపరేట్ చేసేందుకు దారితీసిన ముఖ్యమైన మార్పు యూజర్ ఎక్ష్పీరియన్స్ అనేది వీలైనంతగా సులభంగానూ ఆమోదయోగ్యంగానూ ఉండటమే. అందుకే కంపెనీలూ ఈవిషయంలో ఎప్పుడూ కొత్తకొత్త మార్పులు తెస్తూ ఉంటాయి. మెల్లగా AI చేసే గారడీలూ ఇందులో ఇంకా పెరుగుతూ వస్తాయి. ఇప్పటికే కొన్ని మనం చూస్తూనే ఉన్నాం. పాతకాలం ఆలోచనాధోరణితో కొంతమందిమి మాకు ఫుల్ కంట్రోల్ కావాలీ అదెలాగా అనవచ్చును. అవును మననీ కొంచెం సంతృప్తి పరచవలసిందే అని కూడా ఒప్పుకోవాలి. ఐతే ఎలా ఈరెండూ బేలన్సు చేయాలీ అన్నది కంపెనీల సమస్య. వాళ్ళు సరిగా చేయలేక పోతే అది మనకు చీకాకు.
తొలగించండిఇంక IE ఉంది కానీ దాన్ని మెల్లగా MS ప్రక్కన బెడుతోంది.
తొలగించండిఅన్నట్టు రెండేళ్ల క్రితమే నా laptop లో విండోస్7 ని విండోస్10కి ఫ్రీ upgrade చేసాను.
రిప్లయితొలగించండిఅదేమిటోగాని కొన్నాళ్ళకి దానికి మొహం మెత్తిందేమో లాగిన్ కిటికీ ఎంతకీ తెరవనంది. ఆఖరికి ఒక రాత్రంతా వదిలేసినా కూడా! రెండో హార్డ్ డిస్క్ లో ఉన్న లినక్స్ మాత్రం అదే హార్డ్ వేర్ తో చక్కగా పని చేసేది. ఆఖరికి విండోస్ 10 ని కొత్తగా క్లీన్ ఇన్స్టలేషన్ చేసినా ఫలితం లేకపోయింది. చివరకు కొత్త pc కొనుక్కున్నా.
అలా ఎందుకు అవసరం వచ్చిందండీ. లినక్స్ ఎలాగూ ఫ్రీ. విండోస్ మీ దగ్గర రిఇన్‍స్టాల్ ఆప్షన్ ఉంది. అటువంటప్పుడు డిస్క్ మొత్తం రీ-ఫార్మేట్ చేసి విండోస్‍నీ ఆతరువాత లినక్స్‍నీ మళ్ళా ఇన్స్టాల్ చేసే సరిపోయేది కదా? అలా కాకుండా మీరు విండోస్ తొలగించి క్లీన్ ఇన్స్టాల్ చేసినా అది ఏవేవో హిడెన్‍ ఆప్షన్ సామగ్రీ, ప్రొఫైల్ సామగ్రినీ తిరిగి వాడుకునే ప్రమాదం జరిగి ఉంటుంది కదా.
తొలగించండిడిస్క్ మొత్తం ఫార్మాట్ చేసే ఇన్స్టాల్ చేసాను కానీ లాగిన్ ప్రాంప్టు ఎంతకూ రాలేదు. పైగా 8 ఎల్లా క్రితం కొన్న సిస్టం(అప్పట్లో అదే టాప్ హార్డ్వేర్ అనుకోండి) కదా. కాసేపు వాడితే తిరగేసి దానిమీద దోశ వేసుకోగలిగినంత వేడెక్కిపోయేది. అందుకే ఈమారు డెస్క్ టాప్ తీసుకున్నా
తొలగించండిఅదేమిటండోయ్. నేను వాడుతున్నది కూడా డెస్క్ టాప్. అదీ పదేళ్ళ నాటిది. దాని మీద విండోస్ 7ను 10కి ఏ ఇబ్బందీ లేకుండా అప్ గ్రేడ్ చేసాను మరి.
తొలగించండిఈ కామెంట్‌ను రచయిత తీసివేశారు.
తొలగించండిచూశారా మరి! ఇప్పటి టెక్నాలజీ లో ఇదో కొత్త పోకడ. ఒకరికి పని చేసే సొల్యూషన్ మరొకరికి పని చెయ్యదు☺️
తొలగించండిఎవరన్నా ఇలా అప్ గ్రేడ్ చేసుకున్నారా?
రిప్లయితొలగించండిఇప్పటికి 5 నెలలు ఐనది. ఎవరికన్నా ఈ సమాచారం ఉపయోగపడిందో లేదో ఎవరూ చెప్పలేదు. ఇంక ఈ
రిప్లయితొలగించండిWindows10.iso ఫైలును నా Google Drive నుండి తొలగించబోతున్నాను. ఎవరికైనా అవసరం అనుకుంటే మరొకొద్ది రోజులు మాత్రం ఉంచగలనేమో. అదీ‌కాక నేను విండోస్ బదులుగా ఉబంటు వాడుతున్నాను కాబట్టి నాకెలాగు ఇది ఉపయోగం లేదు.