6, ఫిబ్రవరి 2020, గురువారం
చక్కనయ్యకు శ్రీరామచంద్రునకు మ్రొక్కరే
చక్కనయ్యకు శ్రీరామచంద్రునకు మ్రొక్కరే
మ్రొక్కరే జగములకు దిక్కైన స్వామికి
ధీవిశాలునకు దేవదేవునకు మ్రొక్కరే
భావనాతీతదివ్యప్రభావునకు మ్రొక్కరే
పావనునకు భక్తపరిపాలకునకు మ్రొక్కరే
శ్రీవత్సచిహ్నునకు సీతాపతికి మ్రొక్కరే
సర్వవిబుధపూజితశ్రీచరణునకు మ్రొక్కరే
గర్వితామరారిగణఖండనునకు మ్రొక్కరే
సర్వధర్మస్వరూపునకు శాంతునకు మ్రొక్కరే
నిర్వాణదాయకునకు నిరుపమునకు మ్రొక్కరే
ఇతని కన్న వేరు దైవ మెవడు కలడు మ్రొక్కరే
ఇతడే శ్రీహరి యనుచు నెఱుక గలిగి మ్రొక్కరే
ఇతడే భవమోచనుడని యెఱుక గలిగి మ్రొక్కరే
సతత మితడి పాదములకు సవినయముగ మ్రొక్కరే
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.