9, ఫిబ్రవరి 2020, ఆదివారం
మంత్రమన్న శ్రీరామ మంత్రమే మంత్రము
మంత్రమన్న శ్రీరామ మంత్రమే మంత్రము
మంత్రకోటి లోన ముఖ్యమైన మంత్రము
మునిజననుత మంత్రము ముక్తిమార్గమంత్రము
త్రినేత్రుడు ధ్యానించు దివ్యమంత్రము
రణవిజయమంత్రము రాజ్యదాయక మంత్రము
ప్రణవనిలయ మంత్రము పరమమంత్రము
పవనజ నుత మంత్రము పాపహరణ మంత్రము
రవికులపతిమంత్రము రమ్యమంత్రము
అవనిజాప్రాణమంత్ర మమితశుభద మంత్రము
భవరోగము పనిపట్టు పరమమంత్రము
ఏడుకోట్ల మంత్రముల నెన్నికైన మంత్రము
మూడుకోట్ల దేవతలకు ముఖ్యమంత్రము
వేడినంత ముక్తినిచ్చు విలువైన మంత్రము
పాడు యముని పారద్రోలు పరమమంత్రము
