మందండి మంచి మందు చాల మంచి మందు

మందండి మంచి మందు చాల మంచి మందు

సందేహము మీకు వలదు చాల చౌక మందు



వేలకోట్ల మంది సతము  గ్రోలజాలు మందు

మేలుతప్ప కీడులేని మిగులగొప్ప మందు

కాలదోష మసలు లేని మేలురకపు మందు

కాలు నిట్టె తరిమికొట్ట జాలి నట్టి మందు



కందువ నమృతము కన్న ఘనతగల మందు

ఎందరో పెద్దలు సేవించి నట్టి మందు

ఎందరికో మంచి గుణము నిచ్చినట్టి ముందు

బందుగులకు మిత్రులకు పంచదగిన మందు



తామసించు భవరుజను తరిమికొట్టు మందు

నీమ మిదను పానమిదని నియమించని మందు

ప్రేమతోడ నెల్లరు సేవించదగిన మందు

రామనామ మనే ముందు రమ్యమైన మందు