రామనామము చేయరే రామనామము - ఆ
స్వామినామము చేసిన మాకేమిలాభము
కోరిన సంపదల నిచ్చును కోదండధరుని నామము నో
రారగా పలుకాడితే మీకాపదలను కాయును
సకలభయముల నుండి మిమ్ము చక్కగా రక్షించును కో
రకెనె మీకు సర్వశుభముల లక్షణముగా నిచ్చును
కోటిజన్మల పాపరాశిని గొబ్బున దహియించును ఆ
రాటములనే తీర్చి తాపత్రయము నణచి వేయును ఘోరసంసారార్ణవంబున గొప్పనౌకగ నుండును ఇక
మీరు మరల పుట్టవలసిన కారణంబే యుండదు
ఈశ్వరాదులు చేయునట్టిది యెంతో గొప్ప నామము అది
శాశ్వతంబగు పదమునిచ్చు చక్కనైన నామము
చేయుదుము శ్రీరామనామము చిత్తశుధ్ధిన నెప్పుడు మా
కాయువును సంపదలు మోక్షము నందజేసెడు నామము
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.