8, ఫిబ్రవరి 2023, బుధవారం

కొందరు రాముని పాదాబ్జంబుల కొలుచుచు

కొందరు రాముని పాదాబ్జంబుల కొలుచుచు హాయిగ నుందురు
 
కొందరు హాయిని ధనము లిచ్చునని కూడబెట్టుకొను చుందురు
కొందరు హాయిని సుదతుల కౌగిళు లందున వెదకుచు నుందురు
కొందరు హాయిని యధికారంబుల యందున వెదకుచు నుందురు
కొందరు హాయిని యాటల పాటల యందున పొందుచు నుందురు
కొందరు హాయిని తినితిరుగుటలో పొందుచు కనబడు చుందురు
కొందరు హాయిని అపమార్గంబుల పొందగ భ్రమయుచు నుందురు
కొందరు హాయిని మేడలమిద్దెల యందు చూచుచు నుందురు
కొందరు హాయిని కీర్తిప్రతిష్ఠల పొందుటలో కనుచుందురు
కొందరు హాయిని కపటమార్గముల పొందగ తలచుచు నుందురు
కొందరు హాయిని మంత్రతంత్రముల కొనగల మనుకొను చుందురు
కొందరు హాయిని కొలిచిపోయగల గురువుల వెదకుచు నుందురు
కొందరు హాయిని దుర్మతములలో కూడను వెదకుచు నుందురు

కామెంట్‌లు లేవు:

కామెంట్‌ను పోస్ట్ చేయండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.