నిన్ను పొగడ కెటులుందురా

 నిన్ను పొగడ కెటులుందురా నిముషమైన గాని

నిన్ను తలప కుండలేని నేనటరా పంతగించి

కనులు విడివడక ముందే కమలాక్ష నీనామము

పనవుట మొదలిడెడు నేను పంతగించేనా

కనులుతెఱచి నేనిక యీ కల్లజగము నీక్షింపగ

మనసురాక విచారించుచును పంతగించేనా

మరల శయ్య చేరుదాక మానకుండ నీనామము

నిరంతరము జపముచేయు నేను పంతగించేనా

అరరే యీ నిదరలోన హరినామ స్మరణంబే

కరవగునని వగచు నేను  కడు పంతగించేనా

రామచంద్ర రాదురా విరామము నీనామమును

ప్రేమతో స్మరించ నాకు విడుము శంకలు

ఓమనోహరా సమస్త భూమండల మందు నా

కేమి కావలయును నీ నామము దక్క