నీ కొఱకు పాడినది నీలమేఘశ్యామ
నా కొఱకు వినినదే నాకు పదివేలు
ఏమెఱుగు నాగుణము లితడని నవ్వక
ఏమెరుగు నాతత్త్వ మితడని నవ్వక
ఏమెఱుగు నావిభవ మితడని నవ్వక
రామయ్య వినుటయే నీమంచితనము
తెలియగ నీగుణము నిల నెవ్వరికి వశము
తెలియుగ నీతత్త్వము దేవతలును నేరరు
కొలువ నీవిభవమును నలువకును వశమే
జలజాక్ష ననువినగ వలచితి వదిచాలును
నీకునై పాడుటది నాకు సంతోషమని
నీ కెఱుక యని నేను లోకేశ యెఱుగుదును
సాకేతనాథ భవచక్రప్రవర్తకా
నీకొరకు దినదినము నేనుపాడుదు నయ్య
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.