పలుకవేమి యినకులతిలక రామ నిన్ను
పలుకరించ వచ్చితిని పరంధామ
పరుగుపరుగున నేను పలుకరించ వస్తేను
చిరునగవులు చిందవేమి శ్రీరాముడా నన్ను
మరియాదగ చూడవేమి మారాముడా యింత
కరుణలేక యుందువేమి కమలాక్షుడా
అడుగుటకు రాలేదు ని న్నడ్డమైన కోరికలు
దడుచుకొనకు మాతండ్రీ దశరథాత్మజా
వడివడి నిను జూడవస్తి పరమాప్తుడా నేను
కడుగడు ప్రేముడి తోడ కమలాక్షుడా
కరుణానిధి వన్న బిరుదు కాపాడుకోవయ్యా
పరుడ గాను నీభక్తుడ పరమాత్ముడా నిన్ను
తరచు పొగడుచుండు వాడ దశరథాత్మజా నీదు
చిరునవ్వే నాకు చాలు శ్రీరాముడా
6, ఫిబ్రవరి 2023, సోమవారం
పలుకవేమి యినకులతిలక
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.