ఆరేళ్ళ సీత యెత్తె నాచాపము ఈ
శ్రీరాము డెత్తినట్టి శివచాపము
ఆటగాను సీత యెత్తె నాచాపము రాముని
మేటి భుజశాలిగ నేడు చాటినట్టి చాపము
నేటిదనుక జనకునింట నిక్కినట్టి చాపము
వాటముగ రామునకు వశమైన చాపము
అలవోకగ సీత యెత్తె నాచాపము రాముం
డలవోకగ నెత్తినట్టి హరదేవుని చాపము
పెళపెళమని విరిగినదా బేసికంటి చాపము
కలకలము రేపినట్టి ఘనమైన చాపము
ఇరువురకును జేజిక్కిన హరుని దివ్యచాపము
మరియెవరికి వశముకాని మహిమాన్విత చాపము
ఇరువురను కలిపినదా పరమశివుని చాపము
పరమకల్యాణకరమై వరలినట్టి చాపము
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.