ఇహమైనా పరమైనా యిచ్చేవా డతడే
బహుమతులను శిక్షలను ప్రకటించే దతడే
తనవారని పెఱవారని తలపని వాడతడే
తనవారే యందరని తలచే వాడతడే
మనరాతలు సరిచేసే మనదేవు డతడే
మనసారా పిలిచితే మనవా డయ్యేను
పిలవండీ రాముడని వెంటనే పలికేను
పిలవండీ కృష్ణుడని వెంటనే పలికేను
పిలవండీ శివుడనుచు వెంటనే పలికేను
పిలవండి యిష్టమైన పేరుతో పలికేను
వేదవిదులు వెన్నుడని పిలువ వచ్చును
వేదాంతులు బ్రహ్మమని పిలువ వచ్చును
లేదు దైవ మని ఎవరు వాదించినా
కాదని ఆదేవుడేల వాదించును
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.