భక్తులార యిది మీరు బాగుగా నెఱుగుడు
శక్తి కొలది రామనామ జపము చేయుడు
పగలేమి రేలేమి శ్వాసింపగ జీవులకు
పగలేమి రేలేమి శ్వాసింపగ జీవులకు
జగమున నిదియెంతో సహజము కాదా
పగలేమి రేలేమి భగవధ్యానంబునకు
తగనిదియు సహజము సద్భక్తుల యెడను
రుచియేమి శుచియేమి లోకంబున జీవులకు
విచారింప నాకటికి భీతులైనప్పుడు
శుచియేమి సమయమేమి చూడగ సద్భక్తులు
విచారింప రామ యని ప్రీతిమై పలుకను
విప్రునకు శూద్రునకు వెన్నెల యెండ లట్లు
క్షిప్రప్రసాదుడైన శ్రీరామునకు నా
యప్రమేయునకు జీవు లందరును సమమే
సుప్రసన్నుడై యుండు చూడ భక్తులకు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.