సరిసరి హరి నీసరి యెవరయ్యా
కరుణను వరవిక్రమమునను
పరమామ్నాయము లెఱుగ మానవులు
కరమశక్తు లని కరుణతో నీవు
నరులారా నానామములను గొని
స్మరియించినదే చాలంటివయా
హరినామము లత్యధికం బనుచో
మరి రామా యనుమని శివు డనును
సురవిరోధులకు గరువము హెచ్చిన
హరిని వేడుడను పరమేశ్వరుడు
తరచుగ ధర్మము తప్పి రాక్షసులు
సురనరపీడనపరులై నపుడు
పరిపరివిధముల ప్రభవించుచు ము
ష్కరులు గుంపులను చక్కజేసెదవు
