శ్రీరామ శ్రీరామ శ్రీరామ యనరే

శ్రీరామ శ్రీరామ శ్రీరామ యనరే చిత్తశుధ్ధిగా మీరు
శ్రీరామనామము చేసెడు వారికి చింతలన్నవే లేవు

శ్రీరామనామము కంటె తీయనిది సృష్టియందొక్కటి లేదు
శ్రీరామనామము కంటె పావనము సృష్టియందొక్కటి లేదు

శ్రీరామనామము చేయని దినమే చెడ్డదినమనుచు నెఱిగి
శ్రీరామనామము శ్రధ్ధగ నెప్పుడు చేయుచుండవలె మీరు

శ్రీరామనామము మీకిచ్చుచుండగ సిరులుసంపదలు సుఖము
శ్రీరామనామము చేయుట యందే చెలగుచుండ వలె మీరు 

శ్రీరామనామము చేయుచు గడపిన జీవితమే జీవితము
శ్రీరామనామము గొప్పదనము గూర్చి చెప్పగ నెవ్వరి తరము

శ్రీరామనామము తీర్చని కోరిక క్షితిపైన నేదియు లేదు
శ్రీరామనామము భవతారకంబని చెప్పుచు నుండును శివుడు