ఎవ్వరే మందురయ్య యినకులతిలక

ఎవ్వరే మందురయ్య యినకులతిలక నీ

కవ్వల నివ్వల భక్తు లందరు గనుక

 

ఒకని గొట్టి బూడిదచేసి యొకని యదధి ద్రోయుటేమి

ఒకని కొక శిక్షవేసి యింకొకని నేల విడచినావు

అకట పక్షపాత మేమి యనరులే నిన్నెవ్వరును

వికచసరోరుహనేత్ర వీరాధివీర

 

మాయాతీతుడవయ్యు మాయదారి లేడి వెంట

పోయినావు లచ్చుమయ్య మొత్తుకొన్న వినకుండ 

న్యాయమేనా శ్రీరామ యనరులే‌ నిన్నెవ్వరును

వేయేలా లీలందురు విశ్వవందిత

సీత నెత్తుకపోయిన చెడ్డవాడు రావణుడు

చేతజిక్కి దీనుడైన చిదుమకుండ విడచుటేల

ఆతనిపై దయజూపు టవసరమా యనరు లేరా

నీతిశాలివందురులే నీరేజనేత్ర