రామా యన నట్టి బ్రతుకు రాణించేనా
రాముడు కరుణించని బ్రతుకు పండేనా
మబ్బులే లేక వాన మహిని కలిగేనా
జబ్బులేని వాని కౌషధము లొప్పానా
కొబ్బరిచెట్టెక్కి గండుకోయిల కూసేనా
ఇబ్బందులు లేని బ్రతుకు లిలను కలిగేనా
సువాసనయె లేని విరుల సుదతి మెచ్చేనా
నివేదనయె లేని పూజ నేల నుండేనా
ప్రవాహమే లేని నది వసుధ నుండేనా
వివాదము లుండు చోట విబుధు లుండేరా
ఆరగించకుండ రుచి యసలు తెలిసేనా
మారడగని వారి విందు మంచిదయ్యేనా
నారాయణ యనక ఆనంద మబ్బేనా
శ్రీరామా యనక మోక్షసిధ్ధి కలిగేనా