1, ఫిబ్రవరి 2023, బుధవారం

దశరథరాముని కొలవండీ

దశరథరాముని కొలవండీ మీరు తప్పక మోక్షము పొందండీ

దశకంఠుని దునుమాడిన రాముడు ధర్మస్వరూపుడు తెలియండీ
దిశలన్నిటను రాముని కీర్తియె తేజరిల్లుటను చూడండీ

దుష్టులదునిమి శిష్టుల కాచు విశిష్టదైవ మితడే నండీ
కష్టము లన్నీ క్షణమున తీర్చే ఘనుడు రాముడని తెలియండీ

పితామహుడును పురుహూతుడును వేడెడు వెన్నుడు వీడండీ
అతిసులభముగా నామజపముచే నాతని కరుణను పొందండీ

సకలైశ్వర్యము లిచ్చెడి రాముని సాటిదైవమే లేడండీ
ఒకక్షణమైనను విడువక నాతని నొప్పుగ మీరు కొలవండీ