దశరథరాముని కొలవండీ మీరు తప్పక మోక్షము పొందండీ
దశకంఠుని దునుమాడిన రాముడు ధర్మస్వరూపుడు తెలియండీ
దిశలన్నిటను రాముని కీర్తియె తేజరిల్లుటను చూడండీ
దుష్టులదునిమి శిష్టుల కాచు విశిష్టదైవ మితడే నండీ
కష్టము లన్నీ క్షణమున తీర్చే ఘనుడు రాముడని తెలియండీ
పితామహుడును పురుహూతుడును వేడెడు వెన్నుడు వీడండీ
అతిసులభముగా నామజపముచే నాతని కరుణను పొందండీ
సకలైశ్వర్యము లిచ్చెడి రాముని సాటిదైవమే లేడండీ
ఒకక్షణమైనను విడువక నాతని నొప్పుగ మీరు కొలవండీ
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.