7, ఫిబ్రవరి 2023, మంగళవారం

భయమేలా నాకు నీవు

భయమేలా నాకు నీవు పవలు రేలు హితుడవై
జయము శుభము నిచ్చుచుండ సర్వవిధముల
 
ధనములా అవి నీవు తప్పక నాకీయగలవు
ధనము లీయ దగుననుచు తలచినప్పుడు
ధనములలో గొప్పదైన ధనము నీకృపాధనమె
అనవరతము నాకున్నది యని యెఱుగుదును

విద్యలా అవి నాలో వెలయించ గలవు నీవు
విద్యలు నినుతెలియ నాకు విహితమైనచో
విద్యలలో మేటి రామవిద్య నాకిచ్చి యన
వద్య నిన్ను పొగడగా పంచినావు

ఏమేమో ఆశించి యెపుడు నిన్ను పొగడలేదు
ఏమేమి దొరకు మాను నెట్టు లైనను
రామచంద్ర నీదయచే నేమి కష్టమును రాదు 
నీమహిమ వలన నాకు నిండు సుఖము