శ్రీరామా యనగానే చిక్కులు వీడవా
శ్రీరామా యనగానే చింతలు తీరవా
ఏజన్నలో నెవరి నేడిపించినావో
ఈజన్నలో చిక్కులిన్నిన్ని కావా
ఏజన్మపాపమో ఈజన్మలో వ్యాధి
యై జంకించుచున్న దనియేనా చింత
రాతికి ప్రాణమిచ్చు రామచంద్రు డాతడు
కోతికి వరమిచ్చు గొప్ప దేవు డాతడు
ప్రీతితో పలికితే భీతి నణచేనులే
రాతమార్చి వైళమ రక్షించులే నిన్ను
రక్షించె సుగ్రీవు రామచంద్రు డానాడు
రక్షించె విభీషణు రామచంద్రు డానాడు
రక్షించునులే నిన్ను రామచంద్రు డీనాడు
రక్షకుడు దీనులకు రామచంద్రు డొక్కడే
