లలనలార వేగ హారతుల నెత్తరే భాను
కులపతికి బంగరుగాజుల చేతులతో
తాటకను గూల్చిన మన దశరథాత్మజునకు
వాటముగా శివునివిల్లు వంచిన హరికి
ధాటిగా పరశురాముని దండించిన రామునకు
సూటిబాణముల నొప్పు మేటి విలుకానికి
ముని యాగము కాచినట్టి మన రాజు కొడుకునకు
మునిపత్నిశాపంబును బాపిన హరికి
మునిపుంగవులును గూడ మోహించిన రామునకు
ననవిలుతుని కన్న చాల నయనోత్సవునకు
కడుగడు సత్కీర్తి గొన్న కౌసల్య కొడుకునకు
నిడుదబాహువుల నొప్పెడు నేతకు హరికి
పుడమిబిడ్డ తోడ నిదే పురిజేరిన రామునకు
పుడమి నెల్లవారు పొగడు పురుషపుంగవునకు
