శ్రీరామనామము చేయని మనసొక చీకటికొట్టని తెలియండీ
ఘోరమైన కామాదిపిశాచాల గుహ యను మాటను తెలియండీ
లేని సుఖము సంసారము నందున మానక వెదకుట తప్పండీ
మానవులారా రాముని నామము మాత్రమె సుఖముల గనియండీ
మరువక రాముని నామము తలచే మనుజుడు సుఖి యని తెలియండీ
నరకబాధ లవి వానికి రావను పరమసత్యమును తెలియండీ
పరమసత్యమైన హరినామంబును మరచుట మిక్కిలి తప్పండీ
మరువక శ్రీహరి నామము చేసిన మనకు మోక్షమని తెలియండీ
కడుగడు శ్రధ్ధను రామనామమును కర్తవ్యంబని చేయండీ
అడుగకయే హరి మోక్షము నిచ్చుట అక్షరసత్యము తెలియండీ