శివశివ యనవలె శ్రీరామ యనవలె
చివరకు బంధవిఛ్ఛేదమ్ము కావలె
హరిహరి యనవలె యపరాధి ననవలె
పరమార్థతత్త్వమ్ము భావించుకొనవలె
తరచుగా తనలోన తాను రమించవలె
మరి జగమంతయును హరిమయ మనవలె
పులకించి హరికీర్తి పొగడుచుండగవలె
కలనైన హరికీర్తనలె పాడుకొనవలె
కలిమాయలను తాను గణియించ ననవలె
తిలకించ హరివిభూతియె సృష్టి యనవలె
హరియంశలే జీవు లందరు ననవలె
హరిహరు లొక్కరే నరులార యనవలె
హరికృప యొక్కటే యాశింతు ననవలె
తిరిగిరాని పదము హరియిచ్చు ననవలె
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.