పూవులండీ పూలు బోలెడన్ని పూలు

పూవులండీ పూలు బోలెడన్ని పూలు
దేవుని మాలలకు దివ్యమైన పూలు

మంచిమంచి పూలు మాతోటలో పూలు
ఎంచి తెచ్చిన పూవు లింపైన పూలు
పెంచిన లతలు విరియించిన పూలు

కొంచువచ్చితి మండి కొమరారు పూలు

పాలకన్నను ధవళవర్ణముండిన పూలు

చాల రంగులపూలు చక్కన్ని పూలు

మేలిజాతుల పూలు మృదువైన పూలు

చాల తాజాపూలు సరియైన పూలు

రామపూజకు మంచి రమణీయమగు పూలు

భూమిపుత్రికి నచ్చు పొలుపైన పూలు

ఏమాట కామాట  యింతమంచి పూలు

మీమంచి పూజలకు మేలైన పూలు