శ్రీరామ జయరామ రామా

శ్రీరామ జయరామ రామా దాసుడను ప్రీతితో రక్షించు రామా

హరి వీవు శ్రీరామ రామా నీకు కింకరుడను శ్రీరామ రామా
కరుణాలవాల శ్రీరామా రామ నీకరుణయే చాలు శ్రీరామా

రఘురామ శ్రీరామ రామా భానుకులరాజన్యమణి రామ రామా
అఘునాశ శ్రీరామ రామా నీదయనందిమ్ము నాకు శ్రీరామా

దైత్యారి శ్రీరామ రామా పరమాత్మ దశరథనందన రామా
నిత్యమ్ము శ్రీరామ రామా మదిలోన నిన్నెంచి మ్రొక్కుదును రామా

జానకీపతి రామ రామా నీకు నే సద్భక్తుడను రామ రామా
నీనామమును రామ రామా నాజిహ్వ నిత్యమ్ము పలుకును రామా

గుణశాలి శ్రీరామ రామా నిను తగులుకొన్నది నామనసు రామా
రణభీమ శ్రీరామ రామా శివుడైన ప్రస్తుతించును నిన్ను రామా

క్షణమైన శ్రీరామ రామా నిను విడువజాలదు నామనసు రామా
ప్రణుతింతు శ్రీరామ రామా నిను పొగడి పరవశింతును రామ రామా