పూలు తెచ్చినామండి

పూలు తెచ్చినామండి పూలు తెచ్చినాము
పూలు తెచ్చినాము హరిపూజకై మేము

రామయ్య కిష్టమైన రంగురంగుల పూలు
మేము కొసి తెచ్చినాము మేలైనపూలు

సీతమ్మ కిష్టమైన చిన్నిచిన్ని పూలు
సేకరించి తెచ్చినాము చిత్రమైన పూలు

లచ్చుమయ్య మెచ్చగా లక్షణమైన పూలు
ముచ్చటగ తెచ్చినాము బుట్టలతొ పూలు

హనుమన్న మెచ్చునట్టి యందమైన పూలు
కొనితెచ్చినాము సువాసనలున్న పూలు

సంతసించ నందరును చక్కనైన పూలు
సంతరించి తెచ్చినాము చాలమంచి పూలు