మాయవేసిన వేషముచే మనిషినైతి నేను
మాయవేషము వేసి నీవు మనిషి వైనావు
నీమాయావిలాసమిటు నిగిడించిన సృష్టిలో
ఈమానవుడొకడు పొడమె స్వామి నీ యాటకై
ఏమో ఈయాట యెపుడు భూమిని మొదలాయె
నీమాయ కే యెఱుక నీకే యెఱుక
ఆటను నడిపించువాడ మేటి యాటగాడ
ఆట దారితప్పువేళ ఆటలోన నీవే
సూటిగాను ప్రవేశించి చొక్కమైన తీరు
నాటించియె పోవుదువో నారాయణా
భవతారకరాముడవై ప్రభవించిన నిన్ను
పవలురేలు కొలుచుకొనుచు పాడెదనిట నేను
వివిధమైన తనువులెత్తి వేడుకతో నిటుల
భువిని నీదు నాటకమున పొలుపుగా నటింతు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.