మరువక రామనామము చేయవలయు
హరినామ మిట్టిట్టి దన వశముకాదు
హరినామమున గాని యన్యంబు వలన
తరచుగా సద్భుధ్ధి తగులుటే లేదు
హరినామమున గాని యన్యంబు వలన
నరునకు యోగ్యత పెరుగుటే లేదు
హరినామమున గాని యన్యంబు వలన
అరిషట్కమన్నది యణుగుటే లేదు
హరినామమున గాని యన్యంబు వలన
నరునకు బాధలు తరుగుటే లేదు
హరినామమున గాని యన్యంబు వలన
దురితంబు లేవియు తొలగుటే లేదు
హరినామమున గాని యన్యంబు వలన
నరుని చిత్తమున నానందమే లేదు
హరినామమున గాని యన్యంబు వలన
నరుని తేజము వృధ్ధి నెఱుగుటే లేదు
హరినామమున గాని యన్యంబు వలన
నరుని యహంకృతి కరుగుటే లేదు
హరినామమున గాని యన్యంబు వలన
నరుని యవిద్యకు నాశంబు లేదు
హరినామమున గాని యన్యంబు వలన
పరమార్థమున బుధ్ధి పరగుటే లేదు
హరినామమున గాని యన్యంబు వలన
హరితత్త్వ మవగతం బగుటయే లేదు
హరినామమున గాని యన్యంబు వలన
నరునకు బంధవినాశంబు లేదు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.