ఏమిపని నాకేమిపని
ఏమిపని యిటనేమిపని
నీకు మ్రొక్కక దిక్కులు చూచే లోకముతో నా కేమిపని
నీకూ నాకూ వంకలుపెట్టే లోకముతో నా కేమిపని
నాకు మిక్కిలి నిరుపయోగమగు లోకముతో నా కేమిపని
శోకమోహముల కాకరమైన లోకముతో నా కేమిపని
భీకరుగు లోభులతో నిండిన లోకముతో నా కేమిపని
శ్రీకరమౌ నీనామము తలచని లోకముతో నా కేమి పని
నీకటాక్షపు విలువను తెలియని లోకముతో నా కేమి పని
పాపులమధ్యన బ్రతుకుచునుండిన పదుగురైనను సజ్జనులు
నాపాటలు విని నినుచేరెద రని నమ్ముచు నిట నిలచితి గాని
ఈపాటల నిక యాపి రమ్మని ఎప్పుడు రామా పిలచెదవో
పాపపు లోకముతో నాకేమి పనియున్నదని నిలచెదను
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.