వచ్చిన గోపాలుని ముచ్చటలు తీర్చవే
వచ్చుటే పదివేలు పరుసము లేలే
విరసోక్తులు పలికితే వెడలిపోవునే
సరసముగా మాటలాడి చక్కని వరములు
తరుణి నీవు బడయుటే తగినపని కాదటే
తరళేక్షణ గోవిందుడు దయగలవాడే
అందరు నీవంటివారె యనుకోరాదే
వందనములు చేయువా రందరకు వరముల
నందించుచు వినోదించు నందగాడు కాదటే
సుందరి యీ గోవిందు డందరి వాడే
వీని పాదములను పట్టి వేడవెందుకే
మౌనులకును యోగులకును పొలుపుగా వరముల
మానక నందించువాడు మరి వీడు కాదటే
మానిని యీగోవిందుడు మహిమల వాడే
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.