నేరక నిను బిల్చి నే తప్పుజేసితి
నౌర గోపాల శృంగారరససార
గడపగడపకు పోయి కమలాక్షులను దాహ
మడిగి పుచ్చుకొనుట నంతయు విన్నాను
విడిచి నాయింటిని వేయిండ్ల జొరబడు
గడుసుదనము నన్ను కలవరపరచెను
వార్తలు నిజమే నే వారిండ్ల కేగితి
నార్తు లందరి యిండ్ల కరిగెద నందు వే
నార్తను కానోనా యందున శ్రీకృష్ణ
మూర్తి దయజూపవు మోసగించేవు
పెదవివిప్పి నిన్ను పిలువను నీవెపుడు
ముదమార నాదైన హృదయమెఱిగి వచ్చి
పదిచోట్ట తిరిగిన బడలిక తీరంగ
నిదురచేసెద వది నీకే విడచెద
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.