పదము లంటితిని కదరా పలుకరా యింక
మదనగోపాల యెట్టి మాటలననురా
పాలు పెరుగులకు నీవు పైపై యిండ్లకు పోతే
చాలవా నాయింటి చల్ల లననురా
కాలునిలువక నీవు గడపలెన్ని మెట్టినా
చాలును తిరుగుళ్ళని సణగబోనురా
ఇంటికివచ్చిన సుదతుల నికిలించుచు పిలచినా
కొంటెవాడ తప్పనుచు కోపపడనురా
మంటిముద్దలోన నీకు మంచిరుచులు తోచినా
వెంటబడి నిన్ను నేను వెక్కిరించరా
నేనేగా శ్రీహరినని నీవు గొప్పలాడితే
నేనికపై వాదులాడి నిందించనురా
నేను జీవకోటికెల్ల నిక్కముగా పతినంటే
కానీరా అదే నిజముగా నమ్ముదురా
