రాముని నమ్మిన వాడనురా నేనేమని యితరుల పొగడుదురా
శ్రీమన్నారాయణుడగు శ్రీరాముని చింతన మఱగిన వాడనురా
దేహధారులకు భువిలో దివిలో దిక్కైనిలచే ప్రభువనుచు
మోహనాశకుడు మోక్షకారకుడు మునిజనమోహను డితడనుచు
బాహుపరాక్రమనిర్జితానిమిషవైరివీరగణవిభు డనుచు
ఓహో బహుజన్మంబులుగా తన పదయుగ్మంబులనే యెన్నుచును
తన శుభగుణవర్ణనము చేయుటే తద్దయు సుఖమని లోనెఱిగి
తన శుభచరితమె త్రిభువనంబుల పరమపావనం బనియెఱిగి
తన భక్తాళికి యెల్లవేళలను తధ్యము రక్షణ మని యెఱిగి
తన శుభనామమె యందరకును భవతారకనామం బని యెఱిగి
