చాలుచాలు బిడియాలు సఖుని జేరవే నీ
మేలు తలచి చెప్పు మాట లాలకించవే
పురుషోత్తము డితని మించు పురుషు డింక నెవ్వడే
పొరపొచ్చెము లేటికి కాపురము సేయవే
తరుణి యభ్యసించి నీవు పురుషుని మెప్పించువిద్య
మరియాదలు సలుపవమ్మ మరువకుండగ
తరుణులంట జీవులెల్ల తానొక్కడె పురుషుడంట
చరాచరసృష్టికే బీజప్రదాత తానట
మరి యప్పుడు నీవు ప్రకృతిమాతవై యుందువుగద
పరమాత్ముడు వరుని సిగ్గుపడక చేరవే
ఇరువురు నొకటై యుండుటయే గాదటె పరమార్ధము
మరి విభుడే పిలుచువేళ మరియును బెట్టేలే
కర మాతని కందించగ కళవళపడ నేమిటికే
సరిసరి కృష్ణుని యెడిలో సరాసరి చేరవే
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.