మనవాడండీ మనవాడండీ యినకులతిలకుడు మనవాడండీ
శ్రీరఘురాముడు మనవాడండీ సీతారాముడు మనవాడండీ
శూరవరేణ్యుడు మనవాడండీ శోకనాశకుడు మనవాడండీ
పరమపావనుడు మనవాడండీ పరంధాముడు మనవాడండీ
నిరుపమగుణనిధి మనవాడండీ నిర్మలచరితుడు మనవాడండీ
భయరహితుడు హరి మనవాడండీ పతితపావనుడు మనవాడండీ
దయాసాగరుడు మనవాడండీ దశరథతనయుడు మనవాడండీ
పంకజనయనుడు మనవాడండీ పరమసుందరుడు మనవాడండీ
శంకరవినుతుడు మనవాడండీ సాక్షాత్బ్రహ్మము మనవాడండీ
జననాయకుడు మనవాడండీ జయశీలుడు హరి మనవాడండీ
మునిజనవంద్యుడు మనవాడండీ మోక్షదాయకుడు మనవాడండీ
