శ్రీరాముల యింటి బంట్లమై మెలగుచు శ్రీరాముల సేవ చేసేము
శ్రీరాముల కీర్తి చాటించ తిరుగుచు శ్రీరాముల సేవ చేసేము
శ్రీరాములకు సాటి యందగా డెవడనుచు శ్రీరాములను గొప్ప చేసేము
శ్రీరాములకు సాటి గుణశీలు డెవడనుచు శ్రీరాములను గొప్ప చేసేము
శ్రీరాములకు సాటి వీరుడే లేడనుచు శ్రీరాములను గొప్ప చేసేము
శ్రీరాములకు మించి దైవమే లేడనుచు శ్రీరాములను గొప్ప చేసేము
శ్రీరాముల పేరు నుడువుచు నిరతమ్ము శ్రీరాములను మేము కొలిచేము
శ్రీరాముల భక్తజనులతో మెలగుచు శ్రీరాములను మేము కొలిచేము
శ్రీరాములకు నిత్యపూజలు నెఱపుచు శ్రీరాములను మేము కొలిచేము
శ్రీరాముల పాదయుగళినే తలచుచు శ్రీరాములను మేము కొలిచేము
శ్రీరాములకు మేము మామనస్సీమలను సేవలు నిత్యము చేసేము
శ్రీరాములకు మేము రేయింబవళ్ళును సేవలు ప్రీతితో చేసేము
శ్రీరాములకు మేము సద్భక్తులను గూడి సేవలు నిత్యము చేసేము
శ్రీరాములకు మేము వైకుంఠపురమందు సేవలు నిత్యము చేసేము
