చిన్న దొక సందేహ మున్న దది తీర్చుమా
చిన్నదో పెద్దదో చెప్పు తీర్చెదను
మధురాతిమధురమై యధరమ్ములకు సోకి
బుధుల నెయ్యది చాల పులకింప జేయు
బుధుల మైమరపించు భూరిమాధుర్యము
మధురతమ రామనామమునకే కలదు
పలుకునెడ పెదవులకు పరమసుకుమారమై
అలరారు పలుకేది యవనిలో కలదు
పలుకుటకు సరళమై పరమసుకుమారమై
యిలను రాముని పేరు విలసిల్లు చుండు
సర్వసంపదలిచ్చి సర్వసౌఖ్యములిచ్చి
సర్వవేళల బ్రోచు సన్మంత్ర మేది
సర్వవేళల రామచంద్రమంత్రము నిన్ను
సర్వార్ధముల నిచ్చి చక్కగా బ్రోచు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.