వీధులన్నీ తిరిగి వేళదాటి వచ్చి
బాధింతువేలర బాలగోపాల
ఎంత బ్రతిమలాడి యెన్నిసుద్దులు చెప్పి
సుంత లాభములేక చోద్యమాయె
వింతచేతలవాడ విధిని దూరుదు నే
నంతియె గాక నిన్ననలేను మాటలు
వీరింట వారింట విందులారగించి
తీరికగ యింటికి చేరే బుధ్ధి
మారజనక నీకు మరియాద కాదని
పోరనేల బుధ్ధి పుట్టినప్పుడు రార
పదునాల్గులోకాలు పరగ వీధులు నీకు
ముదమార భక్తులు ముందిడు నైవేద్యాలు
విదితముగ మంచి విందులు ఆపైన
సదయుడవై యింటికి చనుదెంతువు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.